الحكومة ما بتحدفش كتاكيت..!
لفت انتباهى أوى فى الفتره الى فاتت كميه "الدهانات" الى اتصرفت على البلد ..
ما شاء الله الحياه بقت بالألوان الحمد لله اخيرا .. أهو أحسن من ما كانت ابيض و اسود برضو ..
كل ما اعدى على سور .. الاقيه بيندهن..
ما شاء الله ..
لكن العجيب .. ان كل الأسوار الى بتندهن دى .. تبع الحكومة ..
يعنى ايه ؟؟
يعنى يا إما محوطه الإستراحه الى فى سراى القبه الى واخده تلات محطات مترو ..
او محوطه القصر الى فى روكسى ..
أو محوطة الكلية الحربية ..
كلها حاجات بتصب فى جيب الحكومة فى الاخر ..
"إيه شغل النق دا بقى .. الله اكبر الله اكبر .. خمسه و خميسه "
بلاش ..دا حتى الأسوار الى مش تبع الحكومة كلها مدارس و سور المترو .. و القطر ..
طب و بعدين يعنى .. من بره هالله هالله و من جوا يعلم الله ..
تشوف المدارس دى من جوا .. خلينا ساكتين احسن ..
المترو .. حدث و لا حرج الغالبية العظمى من السواد المصرى بتركبه و عارفه اكتر منى ..
سكة الحديد .. القطره لو بتتكلم كان زمنها قدمت طلب بدمغة تتكهن من خمسين سنه فاتت ..
و كل دا فى الاخر .. قشره البلد .. الى طبعا بتجمل وجة النظام ..
زى كليتنا بالظبط .. لما فريق الجوده كان جاى .. ما اقولكوش على كميه الزهور و الأشجار .. و النظافه الى حلت على الكليه فجأه..
زيها زى حال اى حى لما مسؤل يجيى يزوره ..
بصراحه علشان ابقى منصفه .. اه فى حجات الحكومه بتعملها .. تعتبر حلوه .. بس فى الاخر هى تجميل لوجه النظام ..
شكليات يعنى ..
بس كتير بسأل نفسى ..
هو شايف ان احنا ما نستاهلش .. مثلا يعنى ..
و لا احنا الى مش وحش نعمه؟؟
بس حاجه واحده باطلع بيها فى الأخر
إن فعلا ..
"الحكومة مابتحدفش كتاكيات"
ما شاء الله الحياه بقت بالألوان الحمد لله اخيرا .. أهو أحسن من ما كانت ابيض و اسود برضو ..
كل ما اعدى على سور .. الاقيه بيندهن..
ما شاء الله ..
لكن العجيب .. ان كل الأسوار الى بتندهن دى .. تبع الحكومة ..
يعنى ايه ؟؟
يعنى يا إما محوطه الإستراحه الى فى سراى القبه الى واخده تلات محطات مترو ..
او محوطه القصر الى فى روكسى ..
أو محوطة الكلية الحربية ..
كلها حاجات بتصب فى جيب الحكومة فى الاخر ..
"إيه شغل النق دا بقى .. الله اكبر الله اكبر .. خمسه و خميسه "
بلاش ..دا حتى الأسوار الى مش تبع الحكومة كلها مدارس و سور المترو .. و القطر ..
طب و بعدين يعنى .. من بره هالله هالله و من جوا يعلم الله ..
تشوف المدارس دى من جوا .. خلينا ساكتين احسن ..
المترو .. حدث و لا حرج الغالبية العظمى من السواد المصرى بتركبه و عارفه اكتر منى ..
سكة الحديد .. القطره لو بتتكلم كان زمنها قدمت طلب بدمغة تتكهن من خمسين سنه فاتت ..
و كل دا فى الاخر .. قشره البلد .. الى طبعا بتجمل وجة النظام ..
زى كليتنا بالظبط .. لما فريق الجوده كان جاى .. ما اقولكوش على كميه الزهور و الأشجار .. و النظافه الى حلت على الكليه فجأه..
زيها زى حال اى حى لما مسؤل يجيى يزوره ..
بصراحه علشان ابقى منصفه .. اه فى حجات الحكومه بتعملها .. تعتبر حلوه .. بس فى الاخر هى تجميل لوجه النظام ..
شكليات يعنى ..
بس كتير بسأل نفسى ..
هو شايف ان احنا ما نستاهلش .. مثلا يعنى ..
و لا احنا الى مش وحش نعمه؟؟
بس حاجه واحده باطلع بيها فى الأخر
إن فعلا ..
"الحكومة مابتحدفش كتاكيات"
هناك ٤ تعليقات:
كلامك مظبوط فعلا البلد كلها بقيت تزيين خارجي ولما يكون في تفتيش او رقابه كل حاجه بتتظبط مؤقتا
مثال بسيط انا في الدراسه بسكن في المدينه الجامعيه وطبعا المطعم بتاع المدينه حدث ولا حرج عن الاهمال الجسيم والاكل الوحش التعبان ولما يكون رئيس الجامعه معدي بحس اني قاعد في مطعم خمس نجوم :)
دي بلد بتاعت مظاهر
ومن ناحية ان الحكومه ما بتحدفش كتاكيت
الحقيقه ان الحدايه هي اللي ما بتحدفش كتاكيات
ومن هنا نفهم وجه الشبه بين الكومه والحدايه :)
تحيــــــــــاتي
أولا .. و قل كل حاجه .. انا آسفه انى لغاية دلوقتى ما قدرتش اعلق فى مدونتك لأسباب خارجة عن ارادتى..
بس و الله زورتها .. و هى جميلى جدا .. و فعلا عجبتى..
اما ثانيا .. فهو دا حال البلد ..
اما وجه الشبه بقى ..
فانا ماليش دعوه .. :D
انت الى قلت .. :D
اديكي فهمتيني غلط:)
انا قصدي وجه الشبه بين الحكومه والحدايه
ان الحكومه قويه وسريعه في البناء والتعمير:)
وذات نظر حاد و ثاقب في الاصلاح:)
وتتمتع بقدره على الطيران من نجاح لنجاح :)
ولا انت فهمتي حاجه تاني :)))
إرسال تعليق