لو نقدر ..
لو نقدر ننسى ..
نقسى..
نمحى زمان عدانا..
بلمسة..
و نعلق ع الصوره شريطة..
سوده .. و ننسى..
***
لو نرمى أوجعنا ورانا ..
و نعدى الغدر ف دنيانا ..
و نبص على وشوش امبارح ..
نترحم..
ربنا نجانا..!
لو ندفن ذكرى ملينا ..
لو ننسى النبض..
و ينسانا ..
لو نحرق ف جحيم الفُرقة ..
صوتهم ..
و عيونهم..
و هوانا..
و تعبنا عشانهم ..
و شقانا..
***
لو بس نحاول نكرههم..
و لا كانت فِرِقِتْ ..
أخطأهم..!
هناك ٨ تعليقات:
حبيبتى يايويو وحشتينى اوووووووى
وعايزه اشوفك موووووت
كلامك مؤثر اوى ربنا يرضى عنك ياعمرى
انزلى بقى يوه
نهى :)
آية
نقدر ننسى أكيد
لو ملكنا الرغبة الحقيقية في النسيان
نقدر ننسى
ونلاقي أشياء كثيرة تساعدنا على النسيان
لكن نقسى أكيد صعب
لو ما كانت القسوة هي صفتنا الأصلية
صعب القلب الطيب يتعلم القسوة
كالعادة
كلامك جميل:)
حلوة قوي بجد
برافو
نهى حبيبتى..
و الله انتى الى وحشتينى أكتر..
كلوكوا وحشتونى موت و الله..
ما تعرفيش انا فرحانه قد ايه انك دحلتى هنا يا نونه..
عايزه اشوفك هنا على طول بقى :)
ان شاء الله هانزل قريب .. ادعيلى انتى بس .. :)
بهاء..
احنا ممكن ننسى قدر كبير من مشاعرنا..
بس مش ممكن ننسى الذكريات..
و هيه دى الى بتخلينا نسأل عنهم و نعتم بامرهم ..
و دا الى بيخلينا نفرح لفرحهم و نزعل لزعلهم و نكتأب من أخطائهم..
اما القسوه..
فعلا زى ما قلت .. صعب نقسى ..
اصعب من ما ننسى ..
بس لو عرفنا نقسى ..
مش هيهمنا بقى اى حاجه..
bluestone
شكرا بجد على المرور..
بافرح لما حد جديد يزور المدونة..
لو انى حاسه ان حضرتك شرفتنى قبل كده..
جزاكم الله خيرا..
يا رب تشرفنى بتكرار الزياره..:)
معلش التعليق ملوش دعوه بالموضوع
بس ايه الصوره ال محطوطه فى الموضوع دى؟؟؟؟؟؟
اظن دى صوره يتحط عليها يافطه للكبار فقط
فقط ..
لـــــــــــــو
محمد هيكل..
و الله انا ما كان قصدى ..
اغيرها حضرتك .. و لا يهمك..
بس دى كانت انسب واحده.
بس جزاكم الله خيرا .. بجد و الله .. :)
فرحت ان حضرتك مهتم بالنحية دى ..
شرفت بزيارة حضرتك .. يا رب تتكرر..:)
حلم الحرية..
فعلا.. لو.. و المشكلة انها مجرد .. "حرف"..
أولا : بجد يعنى ومن غير هزار وحشتينى جدااااااااااااااا , إنتى وطفطف
وفرحت أووووووووووى بتعليقك عندى
فكرتينى بأيام المؤتمر الحلوة , واللاب توب والمكان الظريف إلللى كنا قعدين فيه
والأجمل إنى قعدت معاكى بجد
ماشى يا زميلة المستقبل
لو بس نحاول نكرههم..
و لا كانت فِرِقِتْ ..
أخطأهم
هوا دا مربط الفرس
على قدر أهمية الشخص وحبنا ليه بيكون زعلما من أخطاءه
جمييييييييييييييلة جدا
بجد والله تحفة يا بنتى
::::::::::::::::::
إرسال تعليق