فرحي

اصنع بطاقتك مع شبكة أفراح

الثلاثاء، أبريل ١٧، ٢٠٠٧

:: يوم فى مجلس الشعب::


كان يوما عجيبا .. خرجت من بيتى متجهة الى نقابة الأطباء .. دار الحكمة .. حيث كان المكان المقرر لاقامة المهرجان الفنى الاسلامى السنوى لكلية الطب ..


كنت أشعر بشئ غريب .. لم أكن مرتاحة و انا أرتدى ملابسى و أستعد للنزول.. خرجت .. و قلت الدعاء .. ثم قررت انه لو ارسل الله لى رسائلا ربانية على ان هذا اليوم ليس فى صاحلى .. فاسعود أدراجى الى بيتى.. و أدرس لامتحان يوم الخميس الذى لم أفتح كتابه بعد


طوال الطريق .. أستغفر و اردد الأدعية .. بقلق .. على غير عادتى.. وجدت ميكروباص فى الانتظار .. ركبت .. لكنه ظل واقفا فتره طويلة .. ثم أطل علينا السائق بوجهه "السمح" قائلا ..."الى مستعجل ينزل يركب أى عربية تانية".. جرس تنيبه .. اخذتها على انها رساله .. و لكنى آثرت المضى .. مع العدول عن القرار مع الرساله الثالثة

ركبت سياره أخرى ووصلت الى المترو .. لم يكن مزدحما الحمد لله على الغير العادة.. و تمكنت من الجلوس بعد محطتين او ثلاثه .. ثم .. رن الهاتف.. إنها رسالة .. "لن أتمكن من المجئ.. تمتعى بوقتك" .. تمتمت كيف ؟؟
هاهى رساله أخرى .. سأظل مكتأبة طول اليوم بسببها
قاربت على الوصول .. فاذا بالتلفون يرن مرة أخرى .. و لكن هذه المره اتصال .. صديقاتى اللواتى ينتظرانى هناك .. تؤمتى روحي.. كنت ارتب اننى ساقول لهم انا فى الطريق .. قاربت على الوصل .. جائنى صوت إحداهن ..

"اين انتى .. عودى .. الأمن ألغى المهرجان"
آآآه .. يا غصتى فى حلقي .. ألن يكف الامن يده عنا .. سئمته و سئمت إسمه
قلت لها : لا لقد وصلت .. انتظرونى لن اعود هكذا

عندما وصلت .. جلسنا نفكر أين نذهب .. كانوا قد قرروا الذهاب للسنيما.. لمشاهدة "جوست رايدر" .. و لكننى لم اكن اريد أن اذهب للسنيما وقتها

ثم إقترحت إحدى صديقاتى أن نذهب لحضور جلسة فى مجلس الشعب
كانت الفكره جميلة جدا .. و لكنى لم أكن واثقة من إمكانيتها.. و بدأت المكالمات الهاتفية ..
اتصلت صديقتى بخالها .. نائب فى البرلمان .. و أتصلت أنا بعمو صبحى صالح .. نائب فى البرلمان أيضا .. أخبرنى عمو صبحى انه من الممكن أن نحضر فى الملجس




فرحت جدا .. و طارت فكره السنيما من ذهنى ..

كنت اود ان ارى المطبخ الذى يطبخ فيه مصير الشعب المصرى و يمرر من خلاله مستقبلهم
كنت اود ان أرى أى مجلس هذا الذى عجرت غالبية أعضاءه على فهم مدى خطورة التعديلات الدستوريه التى نرى بوادرها فى اعتقال عبد المنعم محمود


كنت اود ان أراه من داخله فعلا


أعرف انه يعرض فى التلفاز .. و لطالما ساورنى الشك انه ليس كما يبدوا على الشاشه الفضية ..
و كذلك كان

أنتظرنا عمو صبحى أمام المجلس .. و اصطحبنا للداخل .. و أخذ لنا تصريح بحضور الجلسه .. لم أكد أصدق نفسى


دخلنا فى الممرات الفخمة ذات السقف العالى المذهب .. و النجف الكبيير المتدلى من اعلى .. كان منظرا ملكيا فعلا .. ثم أخذنا جولة جميلة فى متحف مجلس الشعب الرااائع .. أجزم ان المتحف هو أحلى شئ فى المجلس .. طبعا باستثناء نوابنا الافاضل


انا مولعة بالمتاحف .. و راقتنى كثيرا الهدايا المقدمة للدكتور فتحى سرور..من مختلف بلدان العالم .. اما الاروع .. فكان عرش محمد على و العربة الفخمة التى كان يستقلها..





و التى التقط لنا صورا بجوارها الاستاذ أحمد رامى .. مسؤل التصوير فى المجلس.. كما ألتقطنا صورا أيضا بجوار العرش الملكى


و أضفت معلومة جديدة انه من يوم أنشئ المجلس تعاقب عليه 22 رئيسا .. آخرهم الدكتور فتحى سرور
صلينا .. ثم صعدنا للشرفات فى الدور الأخير .. التى تمكنك من رؤية المجلس كله من أعلى ..
نظرت أولا للقبه .. كنت أتحرق شوقا لأراها من الداخل .. كم تبدو فخمة فعلا .. و عظيمة ..



إنتابنى شعور بالرهبة .. هذه القبة وقفت هكذا على مر العصور شاهدة على ما يجرى تحتها .. و يوم القيامة .. تأتى أمام الله شاهدة على كل الظلم و القهر و الطغيان .. و شفيعا للمنصفين الصادقين الصابرين.. الذين يقولون كلمة الحق و لا يخافون فى الله لومة لائم

نظرت للأسفل .. حيث يجلس النواب .. هالنى المنظر


هل لى أن أصفه ..

ليس كما يبدو فى الصورة أبدا
صفوف من الكراسى الخضراء المتراصه خلف بعضها البعض فى شكل أنيق للغاية ..

تتوسطه طاولة بيضاوية .. حقيقة لم أستطيع أن اتوقع من يكون الجالسين عليها
المنصة .. عليها الكدتور فتحى سرور.. طول الوقت مشغولا بمطالعة ورق أمامه .. حتى أثناء تحدث النواب
أمام المنصة منبر للوزراء .. تكلم عليه وزير الزراعه فى تلك الجلسة .. فقد كانت معظمها عن الفلاحين و غلاء الأسمدة

و لكن المنظر العام الذى هالني .. ذلك الكم الهاااااائل من المناديل و قشر اللب الذى يتناثر فى كل القاعة .. أحمد لله أن المصور لم يكن يكور الأرض..

تخلت أننى وحدى التى تتسلى باللب عندما تذاكر .. اعرف اننى لا أستطيع التركيز .. و أعرف انه يشتت الذهن .. و أعرف ايضا اننى لا أرمية على الأرض.. و لكن ان يفعل ذلك نواب المجلس!!!! .. إنه لعجب عجاب أثار استيائنا.. انا و صديقتاى

و لكن .. بغض النظر عن ذلك المنظر .. و بغض النظر عن ان النواب كانوا يتحادثون مع بعضهم البعض و لا ينتبهون للجلسه .. و بغض النظر عن أن بعضهم كان نائما .. بغض النظر عن ذلك كله .. كان يوما رائعا و تجربة جديدة بكل النقايس . .حافلة بمشاعر و تطلعات و علاقات جديدة أفخر بها

قبالت الكثير من النواب الكرماء .. و اكتسبت خبره عن المكان الذى كان يمثل علامة إستفهام عندى

و عدت الى بيتى بصحبة عمو صبحى و عمو حمدى حسن .. و لكن كان يوما فعلا جميل

جزاكم الله خيرا كثيرا على إتاحة هذه الفرصة العظيمة

هناك ١٦ تعليقًا:

محمود سعيد يقول...

والله كويس أول مرة أعرف أننا ممكن نروح المجلس

أبقى أكلم أى واحد مرة كده وأروح معاه

بس تجربة مفيدة فعلاً

آلاء الرحـمـن يقول...

تانى مره ابقى خودينى محاكى يا همث



اللى بياخد ربنا .. عارفه:P

Aml Ghonaim يقول...

أول مرة أعرف ان عامة الشعب ممكن يحضر ؟
وياترى ممكن لو حد قاعد ومرارته اتفقعت يعملوله ايه ؟!
بجد هى تجربة مميزة جدااااااااااا
وأكيد غيرت حاجات كتير جواك ...
؛؛؛
بس فعلا الناس المحترمة بيتحملوا القعدة مع الناس التانية دول ازااااااااااى ؟؟؟

همسة قلم يقول...

ولسه عايشة ياآية ؟؟
سبحان الله

المـ(همس)ـشاعر يقول...

انا صحيح كانت مرارتى هتتفقع .. و علشان كده طلعنا قبل ما الجلسه تخلص

بس همه أصلا دخلونا باعتبارنا بنات فى اعلام... مع الصحفين يعنى

دا فيها سؤلات .. كتيير .. و تصريحات .. و بطاقات زوار .. و بياخدوا منك البطايق و كده يعنى

فى الاخر يكتبلك
"لا مانع"

بس الحمد لله ان احنا طلعنا بعقلنا .. الحمد لله

AbdElRaHmaN Ayyash يقول...

:D رهييييييبه
:) بالنسبة للدخول
مش هتفرق كتير
ده انت من اسكندرية يا حوده مش هتغلب يعني
ربنا يوفقك يا ايه
اهه بكره الامتحان :)
اما نشووووووف اخرتها معاكم
زيارة مجلس الشعب طبعا تجربة جميلة .. المشكله هنا اننا مش في القاهره :d
بس
سلامو

محمد السيد..مش حاسكت يقول...

أنا إخوان ... الكلمة هي السر وهي السبب ... وإذا عرف السبب بطل العجب ...
أنا إخوان ... من الجامعة إلي التخرج إلي الإعلام إلي الصحافة إلي كل ما له علاقة بالإعلام ...
أنا إخوان ... في المظاهرات وفي النيابة وفي المحاكم وفي مباحث أمن الدولة وفي سجن المزرعة بطرة ...
أنا إخوان ... كانت مدونته تقولها بوضوح ... وللأسف كانت في نظر نظام بلده هي جريمته ... لكن له كانت شرفه وعزه ...
كان الخبر كالتالي ...
"قامت قوات مباحث أمن الدولة في ساعة مبكرة من صباح اليوم الجمعة بمداهمة منزل المدون والإعلامي المصري عبد المنعم محمود الصحفي بموقع الإخوان بالإنجليزية ومراسل قناة الحوار البريطانية بمصر ولم يكن وقتها موجوداً بمنزله . "
ولمن لا يعرف مين هو "منعم" مثلما كنا نناديه ...
"عرف بين الصحافيين والناشطين السياسيين بلقب " رويتر الإخوان " أحد أبرز شباب الإخوان المعنيين بالشأن الإعلامي وأحد الأوائل الذين بدأوا نشاط التدوين الإخواني ويعود إليه الفضل في لفت أنظار الكثير من مدوني الإخوان الحاليين إلي هذا المجال وتعد مدونته " أنا إخوان " أحد أبرز المدونات العربية في الوقت الراهن ."
وكان ردهم اعتقاله .... وبالتالي نتقدم إليهم بردنا ....
مدونو الإخوان المسلمين .... واعترافا منهم بفضل "منعم" عليهم ... واعترافا منهم بجهد كل مدون قال كلمة الحق في وجه الظلمة ... وتواصلا مع مسيرتهم .... يقررون ما هو آت ...
باسم العشرات بل المئات من مدوني الإخوان المسلمين ....
منهم الشباب والشابات.... منهم الرجال والسيدات والأطفال ...
منهم الأسر اللي اعتقل عائلها .. ومنهم الكثير اللي غيب أحبابهم وراء القضبان ...
الكلمة اللي أقسمنا نحميها ونقولها ونعلنها ...لن يوقفها سجن ولا معتقل ولا محكمة ...
الصوت اللي خرج من وسطنا ... لن نسمح له إنه يسكت أو يضعف أو يتردد أو يرتعش ...
المدونات اللي كتبت حكايتنا وأيامنا ...خواطرنا وأفكارنا ... يوم بعد يوم حتزيد وتكبر...وتوصل لكل الناس ...
إحنا اخترنا خطابنا يكون بلهجتنا ... وبلغتنا ... عشان يوصل باسمنا ويعبر عننا ...
واخترنا نوصل رسالتنا لكل الجهات ... للفضائيات والجرائد والمجلات ولكل الكتاب والصحفيين ... وقررنا ننشرها في كل المنتديات ... والمدونات ... والمواقع ...
حملة من أجل البلد دي ... حملة ضد السكوت والخضوع والخرس, ضد الاستسلام والسلام والهوان, حملة نرفض بيها القضايا المتلفقة وشهداء الزور وأدعياء الثقافة والكتبة اللي كتابتهم كلها تحت أمرالنظام وأسياد النظام .
وفي إعلانا هذا لا نفصل أنفسنا عن باقي المدونين أو تجمعا خاصا مقتصرا علينا ... بل علي العكس نتقدم فيه بالشكر كل الشكر لكل من ساعدنا في دنيا التدوين, ونعترف له بالسبق والفضل, وكم أسعدتنا صورة "عبد المنعم محمود" وهي تملأ عشرات المدونات متضامنة متكاتفة مساندة ...
- كلنا إخوان ...رغم السجون والمعتقلات والقضايا والمحاكمات ...
- كلنا إخوان ... فكرة آمنا بيها وضحينا عشاناها ومستعدين نبذل لأجلها كل غالي وثمين ...
- كلنا إخوان ... طريق اخترناه ورسمناه ... وكنا عارفين إنه صعب وشائك ومليان بالصعاب ...
- كلنا إخوان ... وتراب البلد ده بنحبه وبنموت فيه ... وأحلي أيامنا يوم ما نشوفه حر وعزيز ...
- كلنا إخوان ... وبنحب أهلنا وجيرانا وإخوانا ... وعشانهم نعمل أي شيء ونضحي بكل حاجة ...
- كلنا إخوان ... برغم كل اللي ظلمنا وحبسنا ...وبرغم كل اللي سكت علي اللي بيجري لنا ... وبرغم كل اللي حرض وتآمر علينا ...
نقدر نقولكم مش حنسكت و مش هنبطل ... لسانا هو أساسنا ... غرباء؟ ممكن ... لكن حنفضل من الناس ...
بنحب النور وبنحب البلد دي ...لأنها بلدنا ... وبنحلم لها بالحرية ... ألم الوطن ألمنا كلنا ... وشايفين فيه أحلي ما في الدنيا ...
وفي الختام :
1- نطالب بالإفراج الفوري عن عبد المنعم محمود وكافة معتقلي الرأي في مصر.
2- نطالب المنظمات الدولية لحقوق الإنسان ومنظمات المجتمع المدني بإدانة الإنتهاكات الصارخة لحرية التعبير في مصر
3- نرفض التعامل الأمني مع قضايا الرأي والنشر الصحفي والإلكتروني
4- نؤكد على تضامننا الكامل مع مجتمع المدونين على مستوى العالم في حرية التعبير عن الرأي بكافة وسائل النشر المتاحة.
وفي النهاية ... كلنا إيمان عميق... بأن الحق منتصر وأن الصواب هو الحقيقة الوحيدة ... وأن لكل فجر ظلمة تسبقه ولكل نصر تضحيات ترسم خطاه .

مدونو الإخوان المسلمين

حضرتك لو موافق علي البيان ده ممكن تبعث بموافقتك علي الإيميل ana_ikhwan2007@yahoo.com بس ياريت بسرعة عشان يتنشر في مكان .
أو ترد علي مدونتي .
وياريت تنشره لكل مدوني الإخوان اللي تعرفهم .

AbdElRaHmaN Ayyash يقول...

عملتي ايييييييييه في الامتحااااااااااااان ؟؟؟؟؟؟؟؟؟؟
ربنا يوفقك وتكوني حلليتي كويس اوي اوي
ياارب

مشروع انسان يقول...

ايه ده ممكن اى حد يدخل المجلس طيب كويس معلومة جديدة ربنا يسترومنلقيش فى يوم بوش ولا بلير بيزروه ولا حاجة
بس طبعا اكيد احساس جميل لما الواحد يدخل جواه ويشوف كبار رجال الدولة وممثلى الامة اللى 3/4 بيمثلوا على الامة خير زيارة سعيدة
(لقد تم رفع الحظر على البروفايل بتاعى يمكنكم تشريفى بالزيارة)

فلسطينية الهوى يقول...

هو احنا دخلنا كطلبة في كلية إعلام

مش عارفة حال الباقي


نزلت ذكريات يومي أنا كمان يا يويتي

غير معرف يقول...

كانت فرصة تغطية الجلسة نفسها كنموذج لما يدور داخل تلك الجلسات بنقد تدويني يفيدنا كلنا ............الجايات اكتر من الرايحات ان شاء الله

barbie girl يقول...

تجربة كويسة بردوا
واكيد استفادتى منها

اما انا فبالرغم من انى فضولية مووت
اللا اننى معنديش فضول اروح هناك خالص

AbdElRaHmaN Ayyash يقول...

وقع بيان المدونين للتضامن مع عبدالمنعم محمود
شارك بتوقيعك
أنشر البيان في كل مدونة تعرفها
ساهم في حرية المدونين .. وحرية منعم
http://free4monem.blogspot.com/

غير معرف يقول...

لعلها من أسوأ الأماكن التي يمكن الدخول إليها
أعان الله إخواننا أعضاء البرلمانات ممن يتقون الله

بهاء

خطــاب يقول...

ما شاء الله خبرة رائعة

The Manager يقول...

حاجة حلوة فعلا

وبغض النظر عن فقع المرارات

اعتقد ان السبب ان الموضوع مش يخصنا قوى يعنى الواحد فى عقله الباطن دون أن يشعر يقول لنفسه ... انا الكلام دة ملوش لزمة بالنسبالى ومش هيفيدنى فى حاجة دة غير ان الواحد مش عارف هما بيتكلموا عن إيه اصلا والمادة اللى بيتناولوها اعتقد سمينة توجع الدماغ

والله اعلم طبعا

لكن يوم جميل طبعا
ربنا يجعل الأيام كلها جميلة