فرحي

اصنع بطاقتك مع شبكة أفراح

الأربعاء، سبتمبر 26، 2007

سلواي أنت

خذنى إليك..
و ضمنى تحت الجناح..
سلواى أنت ..
طبيب قلبي..
و الجراح..
فيك الرجى ..
و الصبح فى عينيك لاح..
و إليك أعتزم الرواح..
و على مرافئك الأمينة..
تستريح سفينتى..
و فى سكونك أستفيض ..
مدامعى..
و أراجع الزمن الذى ..
ولى و راح..
رمضان أنت الحب..
و العشق المباح..
خذنى على كفيك ..
كي أبكى..
و أستجدى السماح..

الثلاثاء، سبتمبر 25، 2007

متأخرة.. معلش




أنا آسفة جدا للتأخير

"ما فيش مبرر..ما تحاوليش"

أنا عارفة ... بس ما ينفعش يعدى من غير ما أقولكم




رمضان كريم

يا كل أحبابي

يا كل زوار مدونتى.. يا أحبابى برضو

رمضان السنه دى كان سلوان بالنسبة ليا

ببركته.. و بدعواتكم

أعاده الله عليا و عليكم باليمن و البركات




الخميس، سبتمبر 06، 2007

عصفور ع الشجرة .. و لا ألف فى الإيد



خلية فوق.. شايفه و مش طايلة.. كل يوم الصبح إطلع اطمن عليه .. أهو فوق .. لسه ما طارش..

و قول لنفسك بعدها.. أهو مش بتاعى.. و لا أعرف اسمه و لا عشه و لاحتى أعرف حابب يفضل على شباكى و لا زهق من الوقفه عليه..

سيبة على الشجرة ..و أوعى تقول دا بتاعى او تاخده..

يوم ما يطير .. و يزهق من الوقفه على شباكك.. هتقول عصفور .. و طار..و بكرة يجى غيره و يقف على شباكى كل يوم الصبح و يزقزق..

لكن لو كان بتاع.. ماسكة فى إديك .. متأكد انو خلاص بقى ليك .. هيكون صعب أوى عليك لو جيت فى يوم.. لقيته كسر بيته و طار.. أو حتى قالك .. :لو سمحت ..أنا زهقت من كونى ليك .. أنا عايز أطير … أنا عمرى مش ليك ..

ساعتها جرحك .. و لا سنين الدنيا تقدر يوم تداوية .. و لا دموع عنيك طول حياتك ترجعه.. و لا حتى ذكراه فى قلبك تقدر تدفنها .. و لو بالحيا.. و حتى يوم ما هتقول للدنيا الوداع .. و لا ليك حق تتمنى يصلى عليك .. و لا حتى يزور قبرك ..

علمتنى حياتى كده..إنى عمرى ما أتمنى أمتلك حاجة .. و لا حتى سلام داخلى لقلبى .. و لا حتى أمان عمرى .. و حتى حلم .. و لا حاجة ..

كل الى أفدر أٌقول عليه بتاعى .. دموع العين .. و جرح السنين.. و حتى دول الى حواليا عايزين ياخدوهم منى..

و لسه الدنيا و الأيام و الأحزان ورانا..تسيبنا و تروح لمين أحسن مننا؟؟

زمن!!