همس حسن القباني .. بنوتتنا الأولى ..

فى يوم 2/12/2010
وصلت أحلى هموس فى الدنيا ..
بنوتى الأولى .. همس حسن القباني ..
ربنا يجعلها من الصالحين..

و من يوم ما نزلت و هى مناضله ..
و دى كروت السبوع بتاعها ..
ربنا يحفظهالي و لبابها و يجعلها باره بينا ..
آآآآآآمييين

رسالة الى والدى فضيلة المرشد العام

بسم الله الرحمن الرحيم ..

أبي الفاضل ..

تابعت معنا كما تابعنا جميعا بمزيج من الحسرة و الألم ما تعرضت له اخواتنا فى جامعة الزقازيق من اهانة و بلطجة و انتهاك لكل الاعراف و التقاليد الدينية و المجتمعية من عصبة فاجرة تعيش فى مجتمعنا،

نمنى منها بين الحين و الاخر بصنوف و الوان الهوان،

و لكن هذه المره لم يكن التعدى من تلك الصنوف التى – للأسف – اعتدنا عليها. و لكنه تجاوز كل الخطوط الحمراء و تعدى الى ما لا يمكن ان يقبله اى شريف غيرو يغار على أعراض اخواته.

و أعرف يقينا ابتى انك من هؤلاء الذين يغارون على اعرضنا ..

نحن .. بناتك .. فتيات الدعوة .. بنات الإخوان المسلمين ..

اللواتى ما كان ليصيبنا ما اصابنا الا اللهم لايماننا بالله و اختيارنا الاسلام طريقا و منهاجا .. و اختيارنا الاخوان المسلمين سبيلا الى نشر الدعوة و اعلاء كلمة الحق .. و لله الفضل و المنه.

و لذا ابى الغالى .. أهيب بحضرتكم .. و انتظر على احر من الجمر .. ما تبرد به النار المشتعلة فى قلبي .. و قلوب كل اخواتى ..

لن أطلب شكلا معينا .. فانت اقدر و اعلم منى بما يتناسب و جرم الموقف و بشاعته ..

و أعلم يقينا .. ان ما قام به هذا القذر من اعتداء سافر و تعدى على كرامة و عرض اختى لهو تعدى لكل الخطوط الحمراء .. مهما كان تعريفها أو مداها.

و لست احب ان اذكر فى هذا الصدد ما يتوقعه شباب الجماعة من الجماعة ..

فلابد قد وصلكم ردود الفعل الغاضبة و الحانقة على ما حدث و التى تتنسم اى ردة فعل من الجماعة و تنتظر بفارغ الصبر و تترقب ما ستقوم .. او لنقل ينبغى ان تقوم به الجماعة.

أبي العزيز .. لن اطيل الحديث .. فأبي الفاضل يقرأ فى حنيايا سطورى ما تعجز كلماتى عن التعبير عنه .. و يرى بحكمة الاب خلف كلماتى حرقة قلبي و لوعته و لوعة اخواتى و اخوانى جميعا.

ننتظركم .. على احر من الجمر .. بما يثلج قلوبنا .. " ويشفي صدور قوم مؤمنين " ..

رمضان كريم

كل عام و انتم بخير

PLS do'nt come to egypt

التطور الطبيعى للديموقراطية

"لا للتوريث"
"نعم للتعددية السياسية"
"نعم لتداول السلطة"
"نعم لمبدأ الشورى"

كلها شعارات لا غبار عليها ..
بل ان دلت على شئ فإنما تدل على ما ينبغى أن يكون عليه المناخ السياسي فى أى بلد أو مؤسسة ديموقراطية..
و لمفارقة القدر .. هو بالظبط ما تطالب به المعارضة النظم الدكتاتورية فى بلدانها ..
و يحدث ذلك بالصوت و الصورة فى مصرنا المحروسة ..

و كم يثنى حماة الديموقراطية الحقيقة على هذا التوجه ..
و كم يردد شباب المعارضة هذه الشعارات فى مظاهارتهم و ندواتهم و نضالهم ضد الإستبداد..
و من هؤلاء الشباب طبعا ...بل و يتقدمهم شباب الإخوان ..
اللذين لا يساورهم أدنى شك فى مشروعية هذه الشعارات ..
و إيمانهم المخلص المسبق بما قد تؤول إليه أو تأتى به هذه الشعارات من نتائج ..
إذا ما طبقت على أرض الواقع ..

و لكن من المفارقات المضحكة و المبكية فى نفس الوقت .. هو هذا التيار المستحدث من "بعض" شباب الإخوان الذى أعجب لردود فعله تجاه الأحداث الأخيرة فى جماعة الإخوان المسلمون...

قد تكون الأزمة المنصرمة جديدة من حيث النوع على جماعة الإخوان المسلمون ..
فلم يحدث من قبل أن أثير كل هذا الجدل و التضارب الإعلامى و التربص الإعلامى لإنتخابات مكتب الإرشاد ..
كنا عهدنا أن تحدث الأنتخابات و تمضى و نعلم النتيجة كأعضاء فى الإخوان و نبايع المكتب الجديد و المرشد الجديد بروح من الولاء و الثقة و المبايعة على من إئتمناهم على مستقبل هذه الجماعة و حركتنا الإسلامية ..

و لكن .. ما شهدناه فى الإنتخابات الأخيرة بدا مغايرا جدا ..
فقيادات من الجماعة خرجت على شاشات التلفاز و فى الإعلام و شككت فى مصداقية و شرعية هذه الإنتخابات ..
و أضطر أخرون للخروج فى الإعلام لتوضيح بعض معالم الصورة ..
و هو ما زاد من البلبلة مع خروج قيادات أخرى ترد على ما قيل ..
و هو ما أعطى الإنطباع بأن هناك تخبطا و انشقاقا بل و فى داخل الجماعة ..

ثم أتت نتيجى الإنتخابات ..

بعضهم قال .. "انقلابا" و الأخر قال "سيطرة التيار المتشدد" ..
و تعددت الأراء و التحليلات ..

و لكن ما يعننى فى هذا الوضع .. هو راى بعض شباب الأخوان .. الذين كان رأيهم من رأي بعض القيادات ..

الظاهرة فى حد ذاتها .. صحية للغاية .. فهى تمثل تعدد الأراء فى الجماعة ..
و لكن الغير مقبول هو أن نحارب ما ننادى به و تبدوا شخصياتنا مزدوجة المعاير

ففى حين نطالب الحكومة بالشورى و الديموقراطية و التعددية السياسية ..
نعتبر ذلك "محرما" على الجماعة ..
و نرغي و نزبد حين يصعد التيار "المحافظ" نتيجة عملية ديموقراطية شرعية ...
جل الإختلاف فيها كان على كيفية التطبيق.. لا على امكانية تطبيق الديموقراطية ..

و عندما أتى مكتب الإرشاد الجديد .. فهو أتى على خلفية انتخابات أوضحت التوجه فى داخل الجماعة ..
حتى و ان جاز لنا القول بأن التيار "المحافظ" هو الذى يتزعم المكتب الأن و يسيطر عليه ..
فذلك أتى عن طريق شورى انتخبتهم و تحول صوتها من التيار "الإصلاحى" للتيار "المحافظ" إن جاز التعبير ..

و ذلك فهى انتخابات شرعية مئة فى المئة فى رأى .. و أعتقد انه ليس من الصواب أبدا و لا من مصلحة الجماعة إذا كان شبابها حريصون عليها، أن يكرسوا لهذه المفاهيم الخاطأه و يتشدقون بها ..
فالجامعة واحده .. و منهجها واحد .. و حتى الذين لم ينتخبوا فى مكتب الإرشاد الجديد .. هم أعضاء فى الجماعة .. و لا اعتقد انه يروق لهم أبدا أن يروا هذه البلبلة و التشتت فى أذهان أبناء الجماعة ..

و إنى أتسائل .. الى ماذا ترمى هذه المهاترات ..
هل إلى إعادى الإنتخابات .. ؟؟
ستأتى الإنتخابات الجديدة بنفس النتيجة ..

أنا فقط لا اتصور أن تؤول هذه التجاذبات إلى ميل عند البعض بإنشاء "جماعة" جديدة منشقة ..
سواء داخل أو خارج إطار الجماعة الحالية ..

فليس من مصلحة أحد أن يحدث ذلك ..

و الأحرى بنا أن نشعر بالفخر و الإعتزاز بجماعتنا لأسباب عده ..
فقد أثبتت أنها نظام ديموقراطى يصلح لحكم البلاد فى يوم ما..
و أثبتت ايضا انها عصية على الإنقسامات و التشرذمات و هو ما أوضحة بيان فضيلة الأستاذ مهدى عاكف فى بيانه عقب الإنتخابات ..
كما أنها أثبتت أنها منظمة لديها القدرة على إدارة الأزمات و التعامل مع الإعلام المغرض ..
الإعلام الذى يحب "الإصطياد" فى الماء العكر ..
و اعتقد أن انسب وسيلة للرد على وسائل الإعلام المغرضة هو ما فعله مكتب الإرشاد من نشر نتائج الإنتخابات على موقع الجماعة الرسمة .. إخوان أون لاين .. و لم تحظ به أى وسيلة إعلام أخرى ..

على كل ..
تاتى الازمات .. لتمحص القلوب .. و تنقى الصف .. و ليجلس كل منا يراجع نفسه فيما قد يصوره له الشيطان من أنه انقسام أو انشقاق او ما إلى ذلك ..
و لنبدى الكثير من الإحترام و الثقه و الإعتزاز بقادتنا ...
الراحلون و القادمون ..



الراحلون .. نهدى لهم جزيل الشكر على ما قدموه فى سبيل الدعوه ..
و جزاهم الله عنا كل خير ..



و القادمون .. نعبر لهم عن ولائنا و نبايعهم على السمع و الطاعة فى الحق .. و ندعوا الله لهم بالثبات و التسديد فيما تجرى به المقادير ..

الطفلة المعجزة

ليالي لبنان الحقيقية

وصلنا لحد فين .. اه اه ..
لأحلى زيارة فى لبنان
و الى خلى لسفرية لبنان دى أصلا .. طعم
زيارة مركز الزيتونة


بعد ما برمونى من البلد ..
يعنى لففونى فى البلد ..
خلاص اتعلمتوا الكلمة دى .. علشان نبدا فى كلمة تانية..
المهم ..
بعد ما لفينا و رحنا اشترينا شريط فيديو ..
رحنا على المركز..

ما شاء الله .. بجد "لما" قامت بالواجب .. حبيبتى تعبتها .. لففتنى على الأدوار كلها
ما شاء الله المركز تلات أدوار .. كل دور شقتين قصاد بعض..
بسم الله ما شاء الله

قعدت فى كل قسم شوية ..
طبعا همه فى الوقت هذا من العام .. بيكونوا "معصورين".. علشان التقرير الإستراتيجى
و" ما بيحلى الزيتون .. إلا على الرص .. "
على مقولة عمو محسن .. لما بيشجع الزيتونات فى المركز ..

عديت على أستاذة "أمل" .. ما شاء الله عليها .. الأخت الكبيرة الحنون ..
قسم الترجمة ..
يعنى كل الإحصاءيات فى المركز .. و الكل التقارير الأجنبية ..
ترجمة أستاذة أمل ..

و فى نفس الغرفة ..
أستاذة ليلي .. و القلم الاحمر ..
ما بيعديش من تحت اديها كتاب .. الا و يعدى على قلمها الأحمر ..
الإحصائية دى جت منين .. و المعلومة دى من وين ..

و على ذكر الأستاذة ليلى لا يمكن إغفال الآنسة إيمان ..
و التى سنفرد لسيادتها .. فقرة خاصة
و هى بنت استاذة ليلى ..
فى الحضانة ..
بس ايه .. ما شاء الله عليها .. عثووولة..
و ذكية ما شاء الله .. و لماحة .. ربنا يحفظها ..



بعدين عدينا على قسم الإخوة ..
و ما شاء الله فهمونى حجات كتير ما كنتش فاهماها .. ما شاء الله ربنا يكرمهم ..
و عرفونى على مسابقة
الحملة الأهلية لاحتفالية القدس عاصمة الثقافة العربية 2009
و هى برعاية المركز :)

ابقوا اشتركوا يا جماعة ..

بعد كده عديت على بقية الأقسام ..
الأرشيف .. و التدقيق اللغوى عند أستاذة "غنى" .. برضو قلم أحمر
و الارشيف ..
بسم الله ما شاء الله ..
المركز كله تحفة ..

ثم بعد ذلك .. دخلت لعمو محسن فى المكتب ..
و قليل عليه الشكر و الله ..
جزاه الله عنى كل خير ..
كلمنى عن جو الشغل فى اثناء الحرب .. و كيف كان له طعم تانى .
طعم "المقاومة" ..
و ورانى صاروخ منشورات وقع على سقف البناية .. و البنات نزلوه و كتبوا عليه ..


بعد كده .. رحنا اتغدينا مع البنات .. يا ربى .. حتى الأكل اللبنانى .. تحفففة.. ما شاء الله ..
الطباخ اصلا ماهر جدا ..
طعم الأكل .. كتيييير "مهضوم" ..
يعنى حلو أوى ..

لكن أحلى ما فى الغدا .. إنو كان مع البنات كلهم .. للأسف بذكائى .. صورته فيديو فقط ..
تجاذبنا أطراف الحديث .. صراحة كانت جمعة و لا أحلى ..

بعدين على الساعة 2:30 .. اتجهنا للفندق .. علشان السيارة الى هتاخدنى لستديو التصوير..

و الصراحة ..
الكلام عن البرنامج لوحده ..
محتاج تدوينة لوحدها ..
علشان فى حجات كتييييير محتاجة ..

توضييييييييح

ليالي لبنان

لالا .. مش الحلاوة الى اسمها ليالى لبنان .. و الى أبدعت فيها يوم ما "حسن" كان جي ..
دى ليالى لبنان بحق و حقيقى ..
ليالى و نهار كمان .

رجعت امبارح من لبنان فى زيارة خاطفة .. أصلا هى فركة كعب .. خطفت رجلى لحد هناك يومين و جيت..
ما تسألونيش ليه ..
أنا هاقولكم ..
باختصار هو كان برنامج على إحدى القنوات ..
الحرة من الأخر..
لا القناة عجبتنى .. و لا حتى البرنامج ..
العدل فى الموضوع ... طلعة الجبل الى عليه الأستديو ..

النوهم .. إنى ندمت على مرواح البرنامج دا ..
مش أوى يعنى ..
و إلا ما كنتش رحت لبنان من أساسة

يوم السفر ..
جه حسن و ماما و شفاء .. وصلونى المطار
و حسن جابلى معاه ورد ..


عثول جدا ..
الورد طبعا ..
و اصر إنى اخده معايا لبنان ..
بصراحه كان مونسنى .. و كنت عاملاله سرير مخصوص

أحلى حاجه بقى فى الليله دى كلها ..
إنى رحت مركز الزيتونة للدراسات الإستراتيجية ..
و هو مركز مختص فى دراسه أبعاد القضية الفلسطينية من كل جوانبها..
و بيطلع تقارير متخصصة .. و تقرير استراتيجى سنوى..
اهو التقرير ده بالذات .. تححححححححفة ..
همه شغالين دلوقتى فى تقرير 2008..
بجد لازم تقروه..


و كان هو دا الى عرفنى على المركز و خلانى اكتشف ان مديره، عمو "محسن صالح"
هو صديق بابا الى كان معانا فى ماليزيا..

رحت بقى و كانت أحلى زيارة .. لوحدى .. فى حياتى ..
اتعرفت على "زيتونات الزيتونه" .. يعنى بناتيت الزيتونة..
بصراحة ... بنات و لا اروع..

تعهدونى من اول يوم الى أخر يوم ..
و إلكم التفاصيل..


اليوم الأول :
وصلت الساعه 10 بليل .. صراحة .. انا كنت خايفة اوى .. قبل ما اسافر
ماما على طول كانت تقولى انا مقبوضة
و آلاء تقولى انا مش مرتاحة
و انا كنت ما اخبيش عليكم متوجسة شوية

فلما وصلت المطار ..
و خلصت الإجراءات بسهوله الحمد لله ..
فرحت ..
بس اتخنقت انى مالقيتش حد يعمل فحص انفلوانزا الخنازير ..

المهم .. طلعت .. لقيت عمو محسن الله يكرمة .. و زوجته ربنا يخليها
مستنينى


دا فرحنى اوى ..
لانى فى الاول وقعت عينى على اسمى فى ورة فى ايد الراجل الى كان هيستنانى فى المطار..
فخفت شوية ..
لكن اول ما شفت عمو محسن و زوجته .. فرحت اوى .ز
حسيت انى مع بابا ..

رحت مع التاكسى .. انا و غنى .. و عمو جه ورانا بالعربية ..
وصلنا الفندق..


علمنا تشيك إن ..
و طلعوا معايا الغرفة فوق .. و اطمنوا على كل حاجه ..
بجد ربنا يكرمهم ..

بعدها وضبت حجاتى و عملتلى شاى و قعدت اتفرج على الجزيرة و اقزقز سودانى ..
شوية ..
و نمت.


تانى يوم:

على غير العادة.. صحيت بدددددررى..
و شربت نسكافيه و بسكوت و قعدت اتفرج على التليفزيون لغاية 9
و بعديها نزلت فطرت ..
و على الساعه 11 كده ..
اتصلت على غنى و قالتلى انها هتبعتلى بنات من المركز ..
علشان يجيبونى ..

جم بنوتين عسولتين ..
لما و حياة ..


انا و لما


انا و حياة



ما شاء الله عليهم ..
"برمونى" بالبلد ..
يعنى لففونى ..
رحنا صخرة الروشة .. فى البحر .. و هى تقريبا المعلم الوحيد الأثرى فى بيروت ..


اما بقية المعالم .. ففى اماكن تانية .. زى بعلبك .. و بنت جبيل .. و مغارة جعيتا.. و ما الى ذلك
يلا خير
المره الجايه الحق اروحهم ان شاء الله ..

و بعد ما لفينا شوية ..
رحنا على مركز الزيتونة ..
و دة بقى ..
محتاج تدوينة لوحده ..
بكره إن شاء الله

:: مش انا ::

مش انا اللي أبيع أخويا
وما أنصروهش
مش انا اللي اعيش جبان
جوا بيتي
وما أسمعوهش
مش أنا اللي أعيش عميل
للصهاينة
وعيونه بوش
مش انا اللي ادراى عن جرم الوحوش
أنا الحراللي الوضاعة والخيانة
ماتحشوش
اللي لقمة عيشه لا
ماتركعوش ..
وغيرابائي وعزتي

وانحيازي لأمتي ..
ومقاومتي ..
لأ..ماتلقوش
مشأنا اللي ورا قناع الاعتدال
تستخي أرخص وشوش
مش انا اللي ألهث ورا لقب " الريادة "
و" القيادة" و" السيادة "
والحقيقة
أنه الوجه العكر
ماتجملوش حبة رتوش
والفماشطة
لا ربي ماتعدلوش
أصل اللي خان واللي هان
واللي أصله للكل بان
التاريخ مهيرحموش
والعمالة ماتنفعوش
والنهاردة قبل بكره
شعبه ده اللي موته
ماهيعتقوش
بكره كل شعوبنا تصحي
وتدق مسمار في النعوش
وياعيني من عنهم يحوش
الصهانية ولابوش ..
***************

بكره ضمايرنا اللي صحيه
تنتقم
ماهترحموش
مش هتستني الصهاينة
تستبح عرضك ياغزة
لايبقتل ولاحتي خدوش
بره ينصرك اللي سامعك
اللي حاسك
اللي لسه في قلبه دم
اما اللي مات الحس فيهم دول موات
وما يتلاموش

:: أفرجوا عنهم اخيرا::

أحلى تلات أخبار سمعتها من فتره طويلة :)

إن عمو "خالد" أفرجوا عنه الحمد لله أخيرا ..
بعد طول غياب دام أكتر من شهرين ..
بجد بجد بجد إفتقده فيهم جدا ..

فحمد لله على السلامة يا عمو .. :)

و الخبر التانى الحلو برضو ..
إن قوات عباس (قاتلها الله) أفرجت أخيرا عن الأخ الصحفى "بهاء فرح" ..
بعد طول غياب برضو دام أكتر من أسبوع .. حسبنا الله و نعم الوكيل فيهم .. :(

حمد لله على السلامة بجد .. نورتوا حياتى و أسعد قلبي الإفراج عنكم ..

فى ميزان حسناتكم إن شاء الله .. و كفارة بإذن لله .. و ليمحص ما فى قلبوبكم :)

و فعلا و الله .. ربنا بيحبكم ..
لان الله إذا أحب عبدا إبتلاه ..
ربنا يحبكوا كمان و كمان ..
بس من غير إبتلاءات :D


و أول و آخر خبر طبعا ..
إن حسن "أفرجوا" عنه من الجيش برضو :D
حمد لله على السلامة بجد
15 يوم .. عدوا ..سنه :)

::لولا الحرم .. ما عتبتك::

أبغض بقاع الأرض لقلبي ..
و أتقلها عليا ..
السعودية ..

طول عمرى ما بحبها ..
و لا معاملة كتير من أهلها ..

و بجد بجد بجد ..
خسارة فيكوا .. خيرة خبراتنا ..

و برضو بجد ...
المصرى الى عندو كرامة .. و عايش فى السعودية ..
يرجع ..
مش هنموت لو ما خدناش الملاليم الى بيدوهالنا ..
و حتى و لو أكتر من هنا ..
نعيش بكرامتنا أحسن ..

على إيه نهدر كرامتنا ..
علي إيه نضيع عمرنا و نفنى حياتنا ...
على ناس ما يستاهلوش ..
و الله ما يستهلوش ..

و على فكرة .. أنا مش معترضة على إن المذنب يتحاسب ..
طبعا يتحاسب ..
بس دا لو ثبت إنو مذنب أساسا ..
و مش بالطريقة الوحشية الغير آدمية دي ..
و مش علشان هى أميرة ..
و مش علشان هو مالوش ظهر ..
و مش علشان هو رخيص فى بلدة يبقى رخيص على الكل ..

حسبنا الله و نعم الوكيل فى الظالمين

::فرحة قلبين::

لو حولت اوصف فرحتي بكل كلام الدنيا
مش هتسعفني كلماتى ..

اقول ايه على هدية ربنا ليا..
اجمل هدية بعتهالي ربنا..
الكريم .. الحليم .. الرحيم..

امبارح يوم السبت 4/10
كانت حفلة خطوبتى للصحفى المتميز
"حسن القباني"

كان يوم جميل جدا..
و صحباتى و صحبات الاء اختى بجد ظبتونا جدا ربنا يكرمهم يرب ..
و صحاب حسن بجد عملوا جو للحفلة ..
بجد كانت لحظات مش هتتنسى ابدا..
و ربنا بارك جدا فى كل حاجه سبحان الله :)



و لبست الدبلة ... فى ايدي اليمين .. مكتوب عليها ..
"حسن .. آيه"
و عمرها ما هتفارق صوباعى ان شاء الله :)

ربنا يكمل فرحة قلبينا و فرحة اهالينا على خير يا رب

و العاقبة لكم فى المسرااات ..
:)

هى دى الجزيرة ..

موقف رائع .. رائع .. رائع ..
عمله المعلقين بتوع الجزيرة الرياضيه واحد ..
و همه بيعلقوا على الدول المشاركة فى الأولبياد ..
ما سابوش دوله واحدة ما علقوش عليها..
لكن لما جت إسرائيل ..
فضلوا يسترسلوا فى الدوله الى قبلها ..
و تجاهلوها تماما ..
و دلخوا على الدوله الى بعدها ..
لكن لما جت فلسطين .. و رغم انها مشاركة رمزيه ..
لكن أولوا اهتمام كبير بيها ...
و شجعوها ..
و تمنوا الفوز "للأبطال" الفلسطينين ..
بجد .. موقف مشرف ..

نعمة "الالف"..

حرف "الالف" .. خرب..
لتدوينة دى من غير حرف "لف"..
حولى تفهمو من غيره ..

للبتوب مسكين .. كل لحمل عليه .. زريرة طقت.. و تقريب كل كلمة فيه حرف "لالف".. فخد عطلة .. بدون مرتب .. و بدون حتى م يحدد هيرجع متى ..

و نحن .. ندور على بدئل .. ندور على كلام مفهوش "لف" ..
فهمين طبع..
مش عيزه قولكم بكتب على مسنجر زى ..

مثلا..

لفرقه لى جيه دى كله على عتبر نى كتبه كل لكلم ببللف عدى .. و نتو بقى تفهمى .. فهمنى طبع .. :)

و لله حرف "الالف"...لوحدة .. نعمة ..
مابلك كل الكيبورد..

حسه نى مشلولة..
ربى يعدل وضعن..

تاااااج .. بمناسبة النتيجة ..!

وصلنى التاج دا من بهاء .. :)
سفير الود .. و صاحب أوراق الورد ..

و الجدير بالذكر .. ان دا أول تاج من زمااااااان أوى ..
بس الظاهر إنو جاى لانى نجحت .. :D
أو لسبب أخر .. بهاء يعلمه :)

على كل .. شكرا يا بهاء على هذه اللفته ..

أوك .. احم .. بسم الله نبدأ ..

السؤال الأول: أذكر أحلاما تخص ماضيك كنت هتتخلى عن إيه فيها و هتتمسك بإيه لحد دلوقت

كنت باحلم زمااان يعنى .. أيام ما كان مخى بعيد عن السامعين .. شويه مصدى ..
لما كنت فى تانيه اعدادى كده ..
كنت باحلم أعمل جمعية "لتحرير المرأه"
لأنى كنت شايفه بناء على مشاهدات أساءت فهم الإسلام ..
و بناء على فهم خاطئ منى لذلك .. لانى اعتبرته تجسيد لتعاليم الاسلام على اساس انه ناتج عن ناس ملتزمه ..
صحيح بابا ساعتها زعقلى جامد .. و اتنرفز عليا جدا..
بس الحمد لله ما ضربنيش ..
بس بجد شكرا ليه ..
لانه خلانى ادخل معاه فى تحدى انى أقرأ .. و اثبتله رأى ..
طبعا العكس حصل ..
قريت .. و فهمت ..
و تخيلت عن الحلم العبيط دا .. :)

الحلم بقى الى تسمكت .. و لسه متمسكة بيه لغاية دلوقتى .. و عمرى ما هتخلى عنه ..
انى كان نفسى طول عمرى من و انا فى اعدادى انى ادخل اعلام ..
و لما خلصت ثانوي فى ماليزيا ..
قدمت عادى فى اعلام فى الجامعه الى بابا شغال فيها ..
و اتقبلت ..
لكن لانى واخدة ثانوية من بره .. بالذات لانها من المدرسة العراقية هناك ..
فمن حقى ادخل اى كليه هنا ..
فماما كانت عايزانى ادخل طب ..
و تحت الإلحاح الشديييييد ..
و بعد ان كنت مصره على اعلام .. و كتبتلى اعلام فى ملف التنسيق ..
غيرته .. و دخلت طب طنطا ..
بس الى ربنا خالقه علشان حاجه ..
بتفضل الحاجه دى قدره . و لو غاب عنها سنين ..
حولت بعد تلات سنين طب .. و رحت اعلام القاهره..
و مش ندمانه .. بالعكس دا كان أصوب قرار أخدته فى حياتى ..
و نفسى طول عمرى .. اكون اعلامية ناجحة .. و خبيرة تسويق متميزه و غير اعتيادية ..
و ان شاء الله هو دا الحلم الى عمرى ما هتخلى عنه ..

السؤال التانى : اذكر أحلاما تخص مستقبلك وما تتمناه منها

و باحلم انزل الديوان قريب ..
و المجموعه القصصية قبل نهاية الصيف ..
و نفففففففسى اعمل اول معرض ليا على شهر 11 ..
قبل ما ادخل فى معمعة الدراسة..
و باحلم كده ياااااا رب .. ان يطلع انشاد البنات مش حرام ..
و اعرف اعمل شريط أخيرا ..
و كل دول يحققوا مبيعات جامدة جدا ..
تساعدنى أفتح وكالة إعلان محترمه..
ادعولى ..

و فى حلم كبيير أوى ..
ما اقدرش اتخلى عنه ..
انى ابنى بيت .. يبقى حته من الجنة ..
و عمرى ما أزعل فيه و أكتأب ..
و عمرى ما أندم على انى دخلته ..
لان دا اكبر احساس يخوف .. انى اندم على حاجه كنت باتمناها ..
بالذات لو دا ..

السؤال الثالث :اذكر شخصين - على الأقل - متواجدين فى حياتك كنت تتمنى وجودهم من قبل

عمو خالد .. و ماحدش يسألنى هو مين .. بس هو إنسان رائع ..

و حد تانى .. مش عارفاه .. بس الحد دا أكيد موجود .. و أكيد فرق فى حياتى ..

السؤال الرابع :غير متواجدين فى حياتك و تتمنى وجودهم مستقبلا فى حياتك
و حياة أولادك

فى حياتى .. ان شاء الله ..الفارس ..

و فى حياة أولادى .. هو برضو.. لانه الوالد .. و يا رب ما يبعدش ابدا ..

و نفسى يكون عندنا شيخ .. بيحفظنا كلنا القرءأن مع بعض ..
و يكون حد فاهم و واعى .. نعتمد عليه و نستشيره فى كل حاجه ..
و يكون زى ناصح لينا ..

يا ريت لو كان دكتور يوسف القرضاوى :)

بامرر التاج لـ:

لولو .. أختى..

و أروى..

و سمسمة .. همسة قلم

و الاستاذة فزززلوكة

طعم النجاح ..

جبت النتيجة النهادرة ..
بجد الدنيا مش سيعانى من الفرحة ..
أنا و اختى الى معايا فى اعلام احنا الاتنين ..
جبنا جيد جدا..

أنا فرحانة جدا ..
كنت رايحة اتكلم بنات من دفعة سنه اوى عن القسم ..
همه خلاص يبقوا فى تانيه ..
و محتارين يختاروا قسم ايه ..
فطلبوا اروح اتكلم معاهم ..

كنت رايحة اصلا باقدم رجل و أخر رجل ..
عارفه ان هاعرف النتيجة ..
بس ما كنتش عايزه اجيبها قبل ما اقعد معاهم ..
بس رحت جبت بتاعه اختى ..
و كنت فرحانه مووووت..
شفاء يا حبيبتى كانت متعقدة من مصر و الكليه و الدنيا ..
و كانت خايفه جدا ..
و انا كنت خايفه عليها أوى..
بس هى ذكية جدا ما شاء الله عليها ..
عسل ..
حتى جابت اكتر منى بدرجة و نص ..
ما شاء الله ..

بعدها رحت جبت النتيجة بتاعتى ..
صحيح اتعذبت علشان اخترق الجموع الغفيره ..
بس الحمد لله ..
كل ما جيب ماده افرح ..
صحيح كان فى مادتين فيهم اجحاف جاااامد ..
و واحده منهم انا ناويه اكلم الدكتوره بتاعتها ..
بس برضو الحمد لله ..
فعلا انجااااااز..

بس برضو هاخد السمر كورس ..
و كمان هاسجل فى فنون تشكيلية ..
يعنى ان شاء الله هاضرب عصفورين بحجر ..
هادرس هوايتى أكاديميا .. و اكمل مجموعه اللوحات علشان المعرض ..
ان شاء الله ..
و كمان احنا تلاته بس ..
يعنى درس خصوصى تقريبا ..
و الدكتور هيكون مركز معانا ..
و دا معناه انى هاجيب فيها تقدير كويس جدا ان شاء الله ..

عقباااااااالكم كلكم يا رب ..
افرح بيكم كلكم قريب ..
عقبالك ي لولو .. و يا رورو ... و يا مريوم .. و فزلوووكة .. و يا كل بنوته و أخ اعرفهم
نفسهم ينجحوا فى الكليه و يخلصوا ..

عقبااااال التخرج يا رب ..
خلاص بقيت فى سنه رابعة ..
أخيرا ..

ما عرفتش أنام ..

الليلادى كانت ليله عجيبة ..
تلات ساعات باحاول أنام ..
كل حاجه تمام ..
المكيف شغال .. و الدنيا مش حر ..
الغرفة مظلمه حواليا .. يعنى جو مشجع على النوم ..
على غير العادة اوقات نومنا متضاربه .. يعنى اكون انا نايمو آلاء صاحية و العكس ..
بس النهادرة احنا الاتنين رحنا ننام فى وقت واحد ..
الغرفة مظلمة جدا ماعدا من نور الموبايل بتاعها و هى داخلة على النت ..
و نور العربيات من وقت للتانى ..
اتقلب يمين .. اتقلب شمال ..
ماقيش فايدة ..
اشغل موسيقى .. أعمض عنيا بالعافية ..
برضو مافيش فايدة ..
طيب ليه ..
أنا عمرى ما قلقت علشان النتيجة ..
صحيح هى بكره او بعده ..
و صحيح الامتحانات كانت مبشره ..
و صحيح انا برضو حليت كويس ..
بس انا مش باخاف و لا بقلق لا من امتحانات و لا من نتايج ..
امال فى ايه ..
تلات ساعات استنفذت كل الاساليب الباعثة للنوم ..
و ما فيش فايدة ..

مش عارفه فى ايه ..
بس الى عارفاه تلات حاجات ..
أولا..ان قلبى كان قلقان و بيدق جامد .. و كنت محتاره و عايزه اتكلم مع حد و اعيط ..
تانيا .. انى نمت اربع ساعات بس .. و قمت بسرعه من غير كلام كتير ..
و ثالثا .. و دى بقى المصحلة انى عايزه انام .. بس ورايا شغل و مشاوير كتير..
يا رب ما نمش فى السكة ..

بكيتك من أعماق أعماقى..

فى مؤتمر رابطة الأدب الإسلامى..

بدأ حديثة ..

" كان من المفترض ان يكون معنا .. ضيف شرف فى اليوم الاول .. "

أدركت انه يتحدث عنه .. اذكر انى طرت فرحا اننى سأراه اخيرا .. عندما رأيت اسمه فى البرنامج .. و جعلت انتظره ذلك اليوم .. و لم يحضر..

استطرد المتحدث "كنا ننتظرة اليوم .. و لكن الله دائما يختار الصالحين دوما .. "

دارت رأسى .. و تسمرت قدماى .. و هرب الدم من عروقى .. و احسست بثلج اصابعى على خدي ..

لا .. نفسى تحدثنى .. لا .. يا رب لا ... ارجوك لا تقلها ..

صمت قليلا .. ثم اردف " انعى اليكم الاستاذ عبد الوهاب المسيرى"


لم ادرك شيئا بعدها ..
احدهم على صوته بالبكاء .. اسمعه بين شقات نحيبى .. لا ادرك .. لا افهم .. لا اريد ان اصدق ..
لا .. كنت اخيرا سأراه ...
أرجأت رؤيته اكثر من مره ..
كنت أخيرا سألتقى به ..
أحببته من زمن .. شاقنى لقياه ..
اللهم لا اعتراض .. اللهم لا اعتراض ..

هنيئا لك ذكراك بين العالمين .. فعلا .. الله يصطفى الخيرين المؤمنين الصالحين ..
بكيتك كأنى أعرفك عز المعرفه ..
كأنى أعرفك منذ دهور ..
عز علي ان ترحل هكذا ..
مثلك لا اتوقع رحيلهم ..
مثلك لا أتخيل لهم إلا الخلود ..
لكنك حتى و ان رحلت عن دنيانا ..
حى فى قلبى ..
حى فى فكرى ..
حى فى وجدان كل من أحبك .. و استنفع بعلمك .. و استرشد بعطاءك ..

رحمك الله رحمة واسعه .. و تغمدك بجميل عفوه و مغفرته .. و جعل قبرك روضة من رياض الجنه .. و الحقنا بك فى عليين مع الشهداء و الصديقين .. و حسن أولائك رفيقا ..

المصلحة .. عملة بوشين ..

قال ابن ابى مجذوب (سامحة الله ) : تعددوا .. تعددوا .. فان وحدة المرأه أشد على المجتمع و أضر من وحدة الرجل .. و هنيالك يا جوز الستات"

يعنى بجد .. مش عارفه .. مش عايزه اغلط عشان عيب .. الناس نحسبها على خير ..
بس بجد .. من يوم ما قناة الناس (إلاااهى يحميها) هلت بطلعتها البهية .. و حلتها الندية .. و انا كل يوم يطقلى عرق من الكلام الى باسمعة ..

سبحان الله .. سابوا الدنيا و الناس و الحرب و العيشة الهباب .. و مسكوا فى التعدد ..
و المهم ان الى بيتكلم فى التعدد .. خلاص يعنى .. الاعمار بيد الله اه .. بس خلاااااص ..

يا أخى .. عليك بالأولى .. و اتبعها الثانية .. و التالته تابته .. بس انت احبس بالرابعه
و خدهم كده زى ما الدكتور وصف .. حباية ع الريق .. و حبيتين بعد الغدا .. و الرابعه دى بقى قبل او بعد العشا .. مش مهم .. المهم دى بقى من غيرها يجيلك ضغط و سكر و بلاوى .. فاقصر الشر يا خويا .. و روح للدكتور .. هاتلك اربع حبيات ..

سبحان الله ..اما همه قلبهم واكلهم ع المجتمع اوى كده و ع الشباب يا حبة عينى .. مافكرش حد فى حل تانى .. غير الى عائد عليه بالمنفعه بس ..

لا و عمالين يقولوا .. الى تعارض .. أنانية .. و غير واقعية .. و تفكيرها منحط ..

طيب .. خلينا احنا العاقلين ..
لما انتو قلبكوا واكلكوا اوى كده .. هنخلينا معاكوا للأخر ..
احنا موافقين .. تماما ..
بشرط واحد ..
تجوزوا كل الشباب الى مش متجوز الاول .. و تطلعوا حسابتكم من المعادلة شويه ..
يعنى ما شاء الله ..
كل الشيوخ الى على قناة الناس .. كل واحد متجوز على الاقل اتنين ..
كام شاب بقى فى قناة الناس لسه أعزب .. ؟؟
لما يا عينى صاعبانين عليكوا اوى كده ..
ما تجوزوهم ..
و لا فلسكوا علشان انتو تتجوزوا تانى و تالت و رابع ..

يا شخنا انت محصن .. حصن الى انت سايبه فى النار الأول .. و اقنع بإلى عندك .. و لما يا سيدى تخلصوا تزويج الشباب الى مش لاقىه شقة فى حوارى منشية ناصر .. ابقوا اتصرفوا فى البنات الى باقية ..

اذا حرصين اوى كده على المجتمع ما شاء الله .. سدوا كل الذرائع و الثغور .. الاتنين محتاجين .. و الرجالة قبل البنات

مش سادين خرم .. و سايبين طاقة ..

ربنا يهدينا و يهديكم ..

العلااااام .. و سنينة..!

و الله .. سبحان مثبت العقل و الدين فى البلد دى ..
أنا حاسه اننا عايشن فى سنة حرب المعيز ..
الدنيا كلها بتقول .. هه .. خطوه قدام ..
و احنا فى بلدنا بنقول..

إدييييها تخلف .. يلا .. ان شاالله ما عن حد حوش..
هو التخلف بفلوس ..

المصيبه بقى ..
انو بفلوس...

السنه الى فاتت ..
دخلو سمر كورس summer course فى الكلية ..
قلنا الحمد لله .. بنطور زى خلق ربنا ..
عملوا المادة ب 150 ..
قلنا و مالو .. ما هو ماحدش بيتعلم ببلاش ..
و دفعناها عن أنف راغمون ..
السنه دى بقى ..
غطت و زادت ..
من 150 ..
المادة يا كل الى بيفكر ياخد سمر كورس ..
المااادة الواحده لمدة شهرين ..
يومين فى الأسبوع..
ب 450 ..
يعنى فى السمر كورس .. مادتين ..
ايدك يا بابا على 900 جنية ..
اه يا بابا .. من المرتب المهوووول الى انت بتاخده ..
إيدك على 900 جنية علشان بنتك تاخد سمر كورس ..

على رأى تيتة الحاجة ...
جتها خيبة الى عايزه علام ..

و الى يضحك و يبكى ..

أكيد شعار الكليه الجديد هيكون ..
" العلام فى إعلام .. بخلع الضوفر"

علشان برضو نعرف قيمة كلية "الغمة" الى احنا فيها ..



و الله ربنا يكون فى عون الى نفسه يطلع بنى آدم فى البلد دى ..

آآآآآآه يا بلد...
يا موكوسة ..